Oarsoaldeko Hitza

Iturriotzen, biribilgune berria

Oiartzun Aste honetan hasi dituzte lanak, auzoko autobus geltokiaren atzealdean; 2009ko ekainerako bukatuko dute

g. labandibar

Iturriotzen biribilgunea egiteko lanak hasi dira. Auzoko autobus geltokiaren atzealdean hasi dituzte lehenengo lanak.

Horretarako, bertan zegoen etxola bota dute. Horrez gain, geltokiaren eta errekaren arteko lurrak ere mugitzen hasi dira, tokia egiteko.

2009ko ekainerako, bukatuta

Datorren urteko ekainerako Iturriozko etxebizitzen bigarren promozioa bukatuko dute. Biribilgunea ordurako bukatuta egongo da, baita errepide berria ere.

Lanak Amenabar enpresak egingo ditu, etxebizitzak eraikitzen ari den enpresa berak, urbanizazioaren lanetako bat baita.

Biribilgunea egitearekin batera, beste urbanizazio lan batzuk ere egingo dituzte.

Arau Ordezkatzaileen barruan

Arau Ordezkatzaileen baitan Iturriotz auzorako egindako planeamenduan onartutako lanak dira errepide eta biribilgune berri hauek.